Facimuni abbastà i due colonne, è muartu Sosno.
“PronDo niputi i Bilotti? Niputi i Bilotti, prondo?”
“Sì, signu prondo e tu chini si?”
“Signu maruzzu: asulìa… ehm… ha vistu chire tri statue ca avìa fattu Sosno a corso mazzini?”
“Sonno?”
“Sosno…”
“…e chini cazz’è?”
“Cumu? È chiru artisto ca ha fattu chiri palancuni mmucati i marmu…”
“Chiri tri cacat… ehm.. chire tre opere còpane?”
“Sì, chire statue vacanti ccuru marmu attuarnu attuarnu”
“Ochei, haiu nquatratu. E mo chi bu i mia? Vida ca nua unni potimu piglià cchiù arrieti. I rigali un si votanu! U patto era ca na vota ca zio Carlo vi dunava, vua v’aviati i tena!”
“No, tranguillo. Unni volimu votà arriati”
“E allura chi cazzu vuliti i mia”
“Ehm, verrò al dunGue… nu pullmino i Ecologia Oggi…”
“…si caz** i pullmini l’aviti a fissazione.”
“…ha mpacchiata a una i chire tre statue e la sfracomata! Un t’incazzà”
“Noooo, e chi m’incazzu? Fossaru tutti chissi i poBblemi!”
“Un si ncazzatu daveru?”
“No, tranguillo. Anzi, u sa chi ti dicu?”
“…vafangulu?”
“No, ca mo u chiamu a Sonzo… a Sogno… a cumu cazzu si chiama?”
“A Sosno”
“Eh… u chiamo e li ni fazzu fa n’atra a stessa. Ochei? Anzi, mo ca ci simu linni fazzu fa na decina accussì vi stipate e pi nu paru i anni un rumpiti a staccia, si cuntiantu?”
“Grazio, grazio! Mo chiamu a Iole ca è a Pariggi e li fazzu fa u comunicato.”
“Fa cumu cazzu vu, io chiamo a Sondro.”
“Ehm… e va sa si ci pu chieda na cortesia”
“Chi cortesia?”
“Si nu paru i opere i po fa i fierru… sai com’è: Corso Mazzini è cchiù trafficato i l’autostrata”
“Tranguillo, glielo dico io. Con il tatto che contraddistingue la famiglia Bilotti. Picchì Sotton è malatu i core…”
“Grazio, m’ha salvatu a faccia! Sei un grande: unn’è ca vu intestata na via puru tu?”
“No, pi l’anima di muarti! Fammi toccà ca porta male!”
“Ochei, ochei chiamo a Iole”
“Chiama a chini cazzu vu, ca iu chiamu a Sonzio…”
◆◆◆◆◆◆◆◆
Martedì 3 dicembre
“Prondo, casa Sonyon?”
“No, avete sbagliato”
“E chi casa è?”
“Casa Sosno”
“Ah, okey. Io a tia stava cercanno, signu u niputi i Bilotti”
“U niputi i Bilotti? A disposizione, diciami tuttu”
“T’haiu i chieda na mmasciata…”
“…chi masciata? Un mi faciti spagnà, ca signu malatu i core…”
“T’arricuardi chira statua grupata cura colonna ca ci amu mpintu a Cusenza?”
“Sì, picchì?”
“N’adi fa n’atra picca i copie. A marmu cumu simu misi?’
“Chi cazzu vuliti i mia? Io di quell’opera ne ho già fatto tre copie!!!”
“Un t’alterà! E n’adi fa n’atra!”
“Picchì?”
“Picchì a Cusenza nu pullmino a una l’ha sfracomata!”
“NO!”
“Sì! E ringrazia ca un ci adi fa u CID ca si l’è accusatu u sinnacu…”
“No, …u core… e adesso è lesionata???”
“Quale lesionata? È fatta a mille piezzi! “
“…u core…”
“Un si canuscia cchiù!”
“…mi sta lassannu…”
“Oramai è purvareddra”
“Ahhhh!”
“Sondrio?”
“….”
“Sonzolo?”
“…”
“Sonzogno? Oj So… so??? Tutti uguali s’ artisti: quannu ci chiedi nu piaciri ti moranu intri i manu…”
◇◇◇◇◇◇◇
Sacha Sosno
Marsiglia 1937
Principato di Monaco 3 dicembre 2013
R.I.P.
http://www.spigaweb.org - 06/12/2013.
:ROFL:
